Ընտրի՛ր տարածաշրջանը.
Իմ դպրոցը
Մեծ Սեպասարի միջնակարգ դպրոց
Մեր դպրոցի պատմությունն սկսվում է ծխական դպրոցից (1926թ.), այնուհետև յոթնամյա, ութնամյա (1962թ.) միջնակարգ (1969թ.):
1988թ. երկրաշարժի ժամանակ երկհարկանի դպրոցային շենքը վնասվեց հիմնահատակ, դրանից հետո դպրոցն իր գործունեությունն իրականացնում էր տնակներում, որը սակայն երբևէ չի խաթարել ուսումնական գործնթացը:
1990-ից մինչև այսօր դպրոցը գործում է ներկայիս շենքում, որը կառուցվել և կահավորվել է Իտալական Կարիտասի բարեգործությամբ: Ունենալով մանկավարժական լավագույն կադրեր` դպրոցը հաջողությամբ է իրագործել իր առջև դրված խնդիրը, ունեցել հանրապետությունում և նրանից դուրս աչքի ընկած բազմաթիվ շրջանավարտներ թե՛ գիտության, թե՛ արտադրության բնագավառներում:
Գործող ծնողական կոմիտեն իր ակտիվ մասնակցությունն է բերում դպրոցական և արտադպրոցական գործընթացին: Նկատի ունենալով աշակերտի անհատ լինելու հանգամանքը` դպրոցում զուգահեռ ներդրվեց նաև աշակերտական խորհրդի մոդելը: Դպրոցի տնօրինությունն ու մանկավարժական կոլեկտիվը ներկայացնում է որպես միջնորդ կամ խորհրդատու-ուղղորդիչ, որի արդյունքում բազմաթիվ մտահաղացումներ դառնում են իրականություն: Դպրոցն իր ծաղկման շրջանին հասել է 2000 թվականից հետո: ՀԴՓԾ-ի շրջանակներում դպրոցը համագործակցելով Փրոջեքթ Հարմոնի միջպետական կազմակերպության հետ, շահել է ինտերնետ կապի օգտագործման իրավունք, որը մինչև օրս օգտագործում են աշակերտներն ու ուսուցիչները: Այսօր դպրոցում գործում է համակարգչային կենտրոն, որը անընդհատ գտնվում է տնօրենի ուշադրության կենտրոնում, նորացվում և հարստացվում է տեխնիկայի վերջին նորություններով: Այստեղ տարբեր առարկաներից կազմակերպվում են դասեր:
Դպրոցում «Ռազմագիտություն» առարկայի դասերն անցկացվում են կահավորված կաբինետում: Ամեն ինչ արվում է աշակերտներին ռազմահայրենասիրկան ոգով դաստիարակելու համար:
Աշխարհագրական դիրքը
Անճշտությունների համար կայքը պատասխանատվություն չի կրում:
